పల్లవి: బేత్లెహేం పురమున - చిత్రంబు కలిగె
కర్తాధి యేసు - జన్మించినపుడు
అంధకారంపు - పృథివి వీధులలో
మోదంపు మహిమ - చోద్యంబుగనరే
1. ఉదయంపు తారల్ - ముదమున బాడె
ఉదయించ యేసు - ఈ పృథివిలోన
ముదమును గలిగె - మరి సమాధానం
పదిలంబుతోడ - పూజించ రండి
2. పరమును విడచి - నరరూపమెత్తి
అరుదెంచె యేసు - పరమ వైద్యుండై
నరుల దుఃఖములన్ - తొలగించివేసి
పరలోక శాంతి - స్థిరపరచె ప్రభువు
3. నీదు చిత్తమును - నాదు హృదయమున
ముదమున జేయ - మదినెంతో యాశ
నీదు పాలనము - పరమందు వలెనె
ఈ ధరణియందు జరుగంగజూడ
4. దేవుని సన్నిధి - దీనత నుండ
పావనయాత్మ - పవిత్ర పరచున్
పావను డేసు - ప్రకాశమిచ్చి
జీవంబు నొసగి - జీవించు నెదలో
5. గతించె రాత్రి - ప్రకాశించె కాంతి
వితానముగ - వికసించె నెల్ల
దూతల ధ్వనితో - పతి యేసు క్రీస్తు
అతి ప్రేమతోడ - అరుదెంచె నోహో
No comments:
Post a Comment