1. సీయోనుపట్టణమా - సువర్ణ నగరమా
మహిమాపురమా - మహా భాగ్యము నీదే
రమ్యమైనట్టిరా - రాజుపురమా
2. సీయోను సుందరులు - సువర్ణ సములు
వన్నెపగడాల ఛాయ - కన్న గొప్పది
కాంతి నీలములకన్న - మంచిది
3. ప్రభువే నిన్ను కోరి - ప్రేమించినాడు
సర్వోన్నతుడే నిన్ను - స్థిరము జేసెను
నిత్యనివాసముగ - నిను జేసెను
4. తన చంటిపిల్లను - తల్లి మరచునా
మరచినగాని నేను - మరువను నిన్ను
చెక్కితిని నిను నా యర - చేతుల మీద
5. భయమేల సీయోను - బలమొందిలెమ్ము
సంతసమున పాట సాహా - సమున పాడుడీ
వసియించు నీ ప్రభువు వచ్చి నీలో
6. పెండ్లి కుమారుడు - పెండ్లి కూతురును
చూచునట్లు నిన్ను - చూచి దేవుడు
సీయోను నీయందు - సంతస మొందున్
7. సీయోను పగవారు - సిగ్గునొందెదరు
నిన్ను భాదించినట్టి - నీ పగవారు
పరుగున నీ పాదముల - పై బడెదరు
8. సీయోను నీ నీతి - సూర్య కాంతివలె
రయమున యేసు నీదు - రక్షణజ్యోతి
వెలిగించువరకు - విశ్రమించడు
No comments:
Post a Comment