பரனே திருக்கடைக்கண் பாராயோ? – என்றன்
பாவத்துயர் அனைத்தும் தீராயோ?
திறம் இலாத எனை முனியாமல் – யான்
செய்த குற்றம் ஒன்றும் நினையாமல்
மாய வலையில் பட்டுச் சிக்காமல் – லோக
வாழ்வில் மயங்கி மனம் புக்காமல்
அடியேனுக்கருள் செய் இப்போது – உன
தடிமைக் குன்னை அன்றிக் கதி ஏது?
வஞ்சகக் கவலை கெடுத்தோட்டாயோ? – என்றன்
மனது களிக்க வர மாட்டாயோ?
ஏசுவின் முகத்துக்காய் மாத்ரம் – எனக்
கிரக்கம் செய்யும் உமக்கே தோத்ரம்
No comments:
Post a Comment