పల్లవి: సోదరులారా లెండి - రాకడ గుర్తులు చూడండి
దివిటీల నూనెతో నింపి - సిద్ధపడండి
1. అర్ధరాత్రివేళలో - ప్రభురాకడ ధ్వని మ్రోగెను
సోమరితనము విడచి (2)
నడుమున దట్టి గట్టి - ప్రభుని కెదురుచూడుము
2. సర్వత్రయుద్ధాలు భూకం-పములును ఘోరవ్యాధులు
ఘోరముగ ప్రబలెను (2)
యేసుని రాకడ సమీపం - బాయెనో సోదరా
3. రాజ్యాలు అధికారాలన్ని - కదలిపోవుచున్నవి
కలవర మధికంబాయె (2)
కన్నులు తెరచి చూడుమా ప్రభు వచ్చేవేళాయె
4. చెదరిన యూదులు స్వదేశానికి చేరుటే యొక సూచన
క్రీస్తుయుగ మారంభము (2)
రానై యున్న వేళిదే - కనిపెట్టుము సోదరా
5. తలుపు వేయబడిన లోన - ప్రవేశించనేరవు
పశ్చాత్తాప పడుము (2)
యేసుపై నాధారపడి సంసిద్ధపడుమా
No comments:
Post a Comment