యేసునాధుని సేవ యిపుడు మాకబ్బెను వెఱవము వెఱవము యేసు దాసులతో బొత్తు భక్తి మా కమరెను జడియము జడియము ||యేసు||
1. లోక జ్ఞానములోని లోతుఁ దెలిసి మేము లొంగము లొంగము యేసు రాకడకొఱకు సంత సించి యెల్లప్పు డుండెద ముండెదము ||యేసు||
2. దైవజనుల మని ధైర్యముతో మేము పల్కెదము పల్కెదము పాప భారమంతయు యేసు ప్రభున కప్పగించి బ్రతుకుచు బ్రతుకుచు ||యేసు||
3. శుభవర్తమానము సొంపుగా నరులకుఁ జెప్పెదము జెప్పెదము లోక వైభవములను వాంఛించక యేసుని పలికెదము పలికెదము ||యేసు||
4. నీతికవచంబును నెనరుతో ధరియించి నిలిచెదము నిలిచెదము లోక ఘాతకుఁడైన పి శాచిని యెదిరించి కట్టెదము కట్టెదము ||యేసు||
5. శోక మొందక యేసు రాకడ కాశించి రంజిల్లు చుండెదము దూత మూఁకలతో గూడి మోద మొప్ప యేసుని పొగడెదము పొగడెదము ||యేసు||
No comments:
Post a Comment