పల్లవి: నమ్మదగినవాడవు - నెమ్మదిని చేకూర్చను
యిమ్మహిలో యెంతైనను - నమ్మిన నను గాచెడి
1. అలలు గాలి తుఫానులవలె - శ్రమలు నన్నిలగొట్టిన
అమరమందు నిల్చియేసు - అన్నిటిని గద్దించును
2. నరుల రాజులనమ్మిన - నిరుపయోగమె యెందున
కరము జాచిన కష్టములలో - కొరతలన్నిటి తీర్చును
3. యాత్రికులు ప్రయాణికులుగా - యాతనలు మే బొందిన
నూతన జీవముతో నీ - పాత్రలుగను వాడను
4. ఆత్మ జీవశరీరములను - ప్రభువు రాకడయందున
నిందారహిత సంపూర్ణమహిమలో - నుండునట్లుగ నిల్పను
5. పరమ తండ్రి కృపాతిశయమును - నిరతమును కీర్తించెద
తరములకు విశ్వాస్యతను నా - నోటితోనే తెల్పెద
6. శోధనలన్నీ సహించెడి - వరకె నా కవినిచ్చియు
శోధనలు తప్పించుకొను యా - మార్గమును కలిగించుము
No comments:
Post a Comment