పల్లవి: యేసు శీఘ్రముగ తిరిగివచ్చున్ - సత్యదేవుని వాక్యమిదే
ఆయన రాకడ అంత్య గుర్తులు - అన్నియు నెరవేరుచున్నవి
యేసు శీఘ్రముగ తిరిగివచ్చున్
1. పాపదుఃఖములు పెరుగుచున్నవి - యుద్దకలహములు వృద్ధియాయెను
జనముపై జనము లేచుచున్నది - రాజ్యముపై రాజ్యము లేచుచున్నది
2. భూకంపములు భువిని జరుగుచుండె - లోకమున తెగులు కరువు లున్నవి
ఆకసమున భయసూచనలు - వీక్షింతురు వింత సూచనలు
3. విశ్వాసులు పైకి ఎత్తబడన్ - యేసు పరమునుండి దిగివచ్చును
యేసునితో వెయ్యేండ్లు ఏలెదురు - ఆశతో కనిపెట్టుకొనువారలు
4. మారుమనస్సు నొందుమీ క్షణమే - కోరు యేసు రక్తాన కడుగుమని
ఈ రోజున నీవు సిద్ధపడుము - పరలోకమున ప్రవేశింతువు
No comments:
Post a Comment